**करमाळा येथे गुंडाराज: आरोपी मोकाट, पोलिस निष्क्रिय; BJP शहराध्यक्षांसह इतरांवर गुन्हा दाखल**
BJP नेत्यांचा कोयता हल्ला: संदेश चंदनशिवे म्हणतात ‘तपास चालू’, पण गुंड मोकाट का?
करमाळा, दि. २९ जुलै २०२५: करमाळा शहरात गुंडाराजाने थैमान घातले असून, भारतीय जनता पार्टीचे (BJP) शहराध्यक्ष जगदीश अग्रवाल, प्रियाल अग्रवाल, गणेश चिवटे यांच्यासह इतरांविरुद्ध गंभीर गुन्हा दाखल झाला आहे. फिर्यादी वैभव कोकाटे यांनी दिलेल्या तक्रारीनुसार, ही घटना अग्रवाल यांच्या बायपास रोडजवळील हॉटेलात घडली. गुन्हा क्रमांक ५९८/२०२५ अंतर्गत BNS २०२३ च्या कलम ११८(१), ११८(२), १८९(४), १९०, १९३(३), ३५१(२) आणि ३५२ अंतर्गत हा गुन्हा दाखल करण्यात आला आहे.
**फिर्यादीचा आरोप: धारदार कोयत्याने हल्ला**
वैभव कोकाटे यांनी आपल्या फिर्यादीत म्हटले आहे की, त्यांचा भाऊ देवा कोकाटे याला दोन समाजांमधील भांडणे मिटवण्यासाठी का येतोस, असे म्हणत आरोपींनी धारदार कोयत्याने हल्ला केला. हल्ल्यादरम्यान, देवा याने डोक्यावर होणारा वार चुकवण्यासाठी उजवा हात पुढे केला, परंतु त्याच्या उजव्या हाताला गंभीर जखम झाली. ही घटना २२ जुलै २०२५ रोजी, फिर्याद दाखल करण्यात आली.
**पोलिसांचा संशयास्पद टाळाटाळ**
या प्रकरणी करमाळा पोलिस ठाण्याचे अधिकारी संदेश चंदनशिवे यांनी प्रसारमाध्यमांशी बोलताना तपासाचा भाग असल्याचे सांगत माहिती देण्यास टाळाटाळ केली. “आम्ही तपास करत आहोत, अधिक माहिती सांगता येणार नाही,” असे त्यांनी स्पष्ट केले. मात्र, कायद्याच्या तरतुदीनुसार, अशा गंभीर गुन्ह्यांमध्ये तात्काळ अटकेची कारवाई अपेक्षित आहे. तरीही, आरोपी उघडपणे मोकाट फिरत असल्याची चर्चा शहरात आहे, ज्यामुळे पोलिसांच्या कार्यक्षमतेवर प्रश्नचिन्ह उपस्थित होत आहे.
**सोलापूर SP कडून खुलासा अपेक्षित**
या प्रकरणाने करमाळा शहरात खळबळ उडाली असून, नागरिकांमध्ये पोलिसांच्या निष्क्रियतेबाबत नाराजी आहे. गंभीर गुन्हा दाखल असताना आरोपींना अटक का झाली नाही, याबाबत सोलापूरचे पोलिस अधीक्षक (SP) यांनी खुलासा करावा, अशी मागणी जोर धरत आहे. स्थानिक नागरिक आणि सामाजिक कार्यकर्त्यांनी पोलिसांवर दबाव टाकला आहे की, कायदा सर्वांना समान आहे हे दाखवून देण्यासाठी तात्काळ कारवाई करावी.
**स्थानिकांचा संताप: कायदा-सुव्यवस्थेचा प्रश्न**
या घटनेने करमाळा शहरातील कायदा आणि सुव्यवस्थेचा प्रश्न पुन्हा एकदा ऐरणीवर आला आहे. “आरोपी उघडपणे फिरत असतील आणि पोलिस कारवाई करत नसतील, तर सामान्य माणसाने कोणावर विश्वास ठेवावा?” असा सवाल स्थानिक नागरिक उपस्थित करत आहेत. याप्रकरणी पोलिस प्रशासन काय पावले उचलते, याकडे सर्वांचे लक्ष लागले आहे.
*टीप: या बातमीत नमूद केलेली माहिती फिर्याद आणि उपलब्ध माहितीवर आधारित आहे.
Author: The India News 24
TIN24 (The India News 24) The India News 24 (TIN24) is a Mumbai-based news Digital Media focusing on breaking news, local and regional issues in India, with content primarily in Marathi. It was established with an X (Twitter) presence since July 2022. Owner & News Editor: Amit Alhat Education: BA in Mass Communication Journalism (Graduate) Experience: 12 years in journalism Platforms: - Website: https://theindianews24.in - X (Twitter): https://x.com/the_indianews24 - YouTube: https://www.youtube.com/@theindianews247 - Instagram: https://www.instagram.com/theindianews_24
