मुंबई, दि. १७ नोव्हेंबर | TIN24 विशेष प्रतिनिधी (सौ सुनिता)
डॉ. बाबासाहेब आंबेडकर तंत्रशास्त्र विद्यापीठ (लोणेरे) आणि बायोएरा लाइफ सायन्सेस (पुणे) यांच्यात
राज्यातील पहिल्या ‘स्टेट-ऑफ-द-आर्ट बायोसायन्सेस अँड टेक्नॉलॉजी रिसर्च-इन्क्युबेशन लॅब’ साठी सामंजस्य करार.
उच्च व तंत्रशिक्षण मंत्री मा. चंद्रकांत दादा पाटील यांच्या प्रमुख उपस्थितीत डॉ. बाबासाहेब आंबेडकर तंत्रशास्त्र विद्यापीठ, लोणेरे आणि बायोएरा लाइफ सायन्सेस प्रा. लि., पुणे यांच्यात राज्यातील पहिल्या ‘स्टेट-ऑफ-द-आर्ट बायोसायन्सेस अँड टेक्नॉलॉजी रिसर्च–इन्क्युबेशन लॅब’च्या उभारणीसाठी महत्त्वपूर्ण सामंजस्य करार करण्यात आला.
या सोहळ्याला अतिरिक्त मुख्य सचिव बी. वेणुगोपाल रेड्डी, कुलगुरू कर्नल प्रा. कारभारी काळे, बायोएरा लाइफ सायन्सेसचे कॉर्पोरेट डायरेक्टर सिद्धार्थ सालुंके तसेच राज्यातील विविध विद्यापीठांचे कुलगुरू व वरिष्ठ अधिकारी उपस्थित होते.
ही लॅब राज्यातील बायोसायन्सेस-टेक्नॉलॉजी क्षेत्रातील नाविन्याचा खऱ्या अर्थाने नवा अध्याय ठरणार आहे. शिक्षण, संशोधन आणि उद्योग यांच्यातील दरी दूर करणारी ही सुविधा अत्याधुनिक संशोधन, स्टार्टअप इनक्युबेशन, तज्ज्ञ मार्गदर्शन, तंत्रज्ञानाचे व्यावसायिकीकरण आणि आंतरराष्ट्रीय सहकार्य यासाठी विशेषरित्या डिझाइन करण्यात आली आहे.
या उपक्रमामुळे विद्यार्थी, संशोधक आणि उदयोन्मुख उद्योजकांना आपल्या नवीन कल्पना प्रत्यक्ष उत्पादन आणि उपायांमध्ये रूपांतरित करण्याची अभूतपूर्व संधी मिळणार आहे. कौशल्यविकास, उच्चस्तरीय संशोधन, इनोव्हेशन अॅक्सलरेशन आणि उद्योजकतेला चालना देणे हा या लॅबचा मुख्य उद्देश आहे.
आरोग्य, अन्नसुरक्षा, सेन्सरी डेटा, भू-स्थानिक तंत्रज्ञान, मृदा मॅपिंग आदी क्षेत्रांत ही लॅब महत्त्वपूर्ण योगदान देणार असून संशोधनाचे व्यावसायिकीकरण आणि सामाजिक परिणामकारक प्रकल्पांना गती देणार आहे.
TIN24 EDITOR – AMIT ALHAT
Author: The India News 24
TIN24 (The India News 24) The India News 24 (TIN24) is a Mumbai-based news Digital Media focusing on breaking news, local and regional issues in India, with content primarily in Marathi. It was established with an X (Twitter) presence since July 2022. Owner & News Editor: Amit Alhat Education: BA in Mass Communication Journalism (Graduate) Experience: 12 years in journalism Platforms: - Website: https://theindianews24.in - X (Twitter): https://x.com/the_indianews24 - YouTube: https://www.youtube.com/@theindianews247 - Instagram: https://www.instagram.com/theindianews_24
