मुंबई, दि. ३ ऑक्टोबर २०२५ : आदिवासी समाजाच्या सातत्यपूर्ण मागणीनुसार नंदुरबार जिल्ह्यातील शासकीय वैद्यकीय महाविद्यालयाला “जननायक बिरसा मुंडा शासकीय वैद्यकीय महाविद्यालय, नंदुरबार” असे नवे नाव देण्यात आले आहे. मुख्यमंत्री देवेंद्र फडणवीस यांच्या मंजुरीनंतर वैद्यकीय शिक्षण आणि औषधी द्रव्य विभागाने ३ ऑक्टोबर २०२५ रोजी जारी केलेल्या शासन निर्णयाद्वारे हे नामांतर अधिकृत करण्यात आले.
२०१२ साली राज्य शासनाने नंदुरबार येथे १०० विद्यार्थी क्षमतेचे वैद्यकीय महाविद्यालय आणि त्याला जोडलेले ५०० खाटांचे रुग्णालय सुरू करण्यास हिरवा कंदील दाखवला होता. हे महाविद्यालय आदिवासीबहुल नंदुरबार जिल्ह्यात वैद्यकीय शिक्षण आणि आरोग्य सुविधांच्या गरजा भागवण्यासाठी एक महत्त्वपूर्ण संस्था म्हणून कार्यरत आहे.
आदिवासी समाजाकडून या महाविद्यालयाच्या नामांतराची मागणी अनेक वर्षांपासून होत होती. या पार्श्वभूमीवर शासनाकडे आलेल्या प्रस्तावाला मुख्यमंत्री देवेंद्र फडणवीस यांनी तत्काळ मान्यता दिली.
या शासन निर्णयामुळे आदिवासी समाजाचा सन्मान वाढला असून, वैद्यकीय शिक्षण आणि सेवांच्या क्षेत्रात योगदान देणाऱ्या नंदुरबार महाविद्यालयाला एक नवीन ओळख मिळाली आहे. हे नामकरण आदिवासी नेते बिरसा मुंडांच्या स्मृतीला अभिवादन करणारे ठरले आहे.
TIN24 संपादक : अमित अल्हाट
Author: The India News 24
TIN24 (The India News 24) The India News 24 (TIN24) is a Mumbai-based news Digital Media focusing on breaking news, local and regional issues in India, with content primarily in Marathi. It was established with an X (Twitter) presence since July 2022. Owner & News Editor: Amit Alhat Education: BA in Mass Communication Journalism (Graduate) Experience: 12 years in journalism Platforms: - Website: https://theindianews24.in - X (Twitter): https://x.com/the_indianews24 - YouTube: https://www.youtube.com/@theindianews247 - Instagram: https://www.instagram.com/theindianews_24
